:::رسائل جميلة::

بسم الله الرحمن الرحيم


**ابوي وصاني عن اللي احبه ، و اعطيه خيشه لو عطاني حبه ، و اشيله فوق راسي و كل يوم اصبح ابه ، و عن الحسد كل ساعه احط له شبه

**صباح الكلمه الحلوه... صباح الحب بدون حدود
صباحك ريحته قهوه ... و طعمه بالحلا معقود
صباحك نغمته تغريد...و صوته ينعش المجهود
صباح الخير يالغالي...صباح الشوق و دهن العود
صباح يحتويه الكون ...لانك انت فيه موجود

**انا قلبي من كثر شوقي ملا صدري ..و انا صدري من كبر قلبي نفذ صبره
من صباح الخير لين الشمس ما تسري ....و من مساء الخير لين نصير في بكره
و الغلا في داخلي مثل النهر يجري ... ليتك تدري بغلاك داخلي وش كثره

* *برفع قضيه علا الدنيا و ما فيها و اول قضيه ابرفعها علا حالي خلاص ماني مكحلها ابعميها
و احوسها و اقلب الاول علا التالي لا تقول ما تقدر تسويها صدقني اسويها و اقول احبك
بصوت عاالي

* *اقضي ايامي غريق بوحدتي ..مركبي ذكرى و احلامي شراع
و في بحر شوقي بواصل رحلتي .. لين اواجه من ترك قلبي و لاع
و ان كتب ربي في بحره موتتي .. لي رجا لا تدفننوني وسط قاع
لكن ارمو عند بابه جثتي ... و اكتبوا مشتاق حاول ما استطاع

** انا رساله جيت من عند غالي
شخصا موصيني اوصل حبه و سلامه
جيتك اشيل الشوق باول و تالي
في شاشه الجوال هذا كلامه
وشهي علومك يا بعد حال حالي
هذا سؤال جاك و ترا الشوق مأرق منامه


** شفت البشر لو كلهم يرخصونك .. الله عليك بداخل القلب مغلاك
اشتقت لك و اشتقت لاسمك و لونك و اشتقت لمعاندك و اشتقت لرضاك
لو قلت لك وش صار جنت جنونك .. يمكن تقول اني مبالغ بفرقاك
ودك تعرف و شلون عايش بدونك .. لو قلت لك يمكن تجيني ممن اقصاك
تبي تعرف وشلون ؟ سكر عيونك ... سكرتها ؟ هاذي حياتي بلياك
شفت الظلام اللي تشوفه بكونك ؟ يزول كله لاصرت وياك !

**للناس قدر و قدرك بخافقي غير .. لهم مكانه و انت لك اغلا مكانه ..
صدري سماء و انت علا جوه الطير
و الطير ما يرضى بغير مكانه .. عبرت لك عن خافي الحب تعبير
و عطيتك عيوني بكفك امانه


**حيالله اللي مسكنه داخل الجوف
اللي علا عرش المحبه تعلا
لو ان مقياس الغلا هرج و حلوف
حلفت لك بالحب حتى تملا
و ان كان ما يكفيك قلبي خذ الشوف
تفداك اللي لشوفك تمنى

**انتظرتك ليه طولت الغياب
و انت لامن غبت لحظات افقدك
سيد الاحساس حسك كيف غاب
كيف عن دافي شعوري يبعدك
في ضلوعي برد
و بعيني سراب
و الف طاري عن غرامي ينشدك
تدري ان الصبر في بعدك عذاب
و تدري انك في عيوني و افقدك


الجسد موجود والروح ارحلت
والزمن غدار لكني صبور
عيني اللي من عنا الوقت أدمعت
حزنها ياناس شيد له جسور
وحدي بدنيا بها روحي اطلعت
فاقد الإحساس ماعندي شعور
الهوى مابيه أنا روحي اشبعت
وش يفيد الجبس لو كلي كسور
xxxxxxxxxxxx
-غلطة الايام أحنا ماغلطنا كنا مشتاقين يوم أن افترقنا
كلنا ملهوف و احزانه كبيره العيون اتشوف و ايدينا قصيره
xxxxxxxxxxxxxx
عرفت ابكي من الفرحه،، عرفت اضحك من الاحزان،،
عرفت ان الدموع اصدق وارحم من يواسيني،،
عرفت ان الوهم دربي ولابه من يقدرني،،
×××××××××××××××
من يوم ما ذوقتني فرقاك والحزن في حياتي غرستة،،
شريت لي ثوب علشان لقياك راحت موضته ومالبسته،،
شريت لي عطر مازهاني بلياك له سنين بعلبته مالمسته
×××××××××××××××
اليوم أنا راحل عن دنيا تبكيني ماودها تفرحني ولو يوم،،
تسمح لي بكلمه قبل لا ألبس ثوب الوداع،،
من حبك في هالدنيا لاتخسره.. تراك بتندم يوم تفقده،،
ومن شراك من بين هالناس لاتفكر تبيعه .. لانه ترك العالم وجاك،،
×××××××××××××××
ابي ارحل لعالم ثاني ..
انسى فيه كل زماني ..
واوعدك اذا رحلت
راح اقسي قلبي واسجنه ..
لكن مع هذا وذاك ..
اعرفه قلبي ماراح ينساك !
باقي على ذكراك ؟؟
لو هجرته .. لو طعنته ..لو ذبحته ..
بيظل يهواك ويهواك ..
الين تدفنه ..
(( بيمناك...! ))
×××××××××××××××

وينك تجاوب صرختي بسكرة الموت..
وينك تشيل اطلال خلك بتابوت..
تعال وانقلني على القبر بسكوت..
تعال حقق في مماتي ..
ما ابيك تبكي وترفع الصوت..
لي الشرف لو جيت تحضر وفاتي..
×××××××××××××××
يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاك ما يسبب وفاتي
×××××××××××××××
يا غايب عني لك الحب ماغاب
متى تجي وتشوف همي بعينك
ماطاب لي جرح ولا خاطري طاب
متى يديني تحتضنها يدينك
ياصاحبي لو قالوا الوقت كذاب
يكفيني كلامك ودافي حنينك
لو ان قصدي في الزمن كثر الاصحاب
ما قلت يا ساكن الروح وينك
×××××××××××××××
حزينة
لحظة الغروب
تمووت الشمس مجبورة
! تكابر..!
ودها ترجع
وتعطي الناس من نورها
ترى هذا) انا بدووونك)
بنفس الشكل
والصووووورة ؟!
×××××××××××××××
اقول بكره ينتهي الهم وألقاك
ويطلع علي الصبح أقول باكر
ضايع بدونك بين شوقي وذكراك
أنا اعترف بالضعف مقدر اكابر
الصمت بيت ودمعتي ألف شباك
والهم باب وغيبتك ألف زاير