كلمات أغنية (إنت عمري )

إنت عمـــري

رجعوني عنيك لأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

* * *
قد ايه من عمري قبلك راح وعدّى
يا حبيبي قد ايه من عمري راح
ولا شاف القلب قبلك فرحة واحدة
ولا داق في الدنيا غير طعم الجراح
ابتديت دلوقت بس أحب عمري
ابتديت دلوقت اخاف لا العمر يجري
كل فرحه اشتاقها من قبلك خيالي
التقاها في نور عنيك قلبي وفكري
يا حياة قلبي يا أغلى من حياتي
ليه ما قابلتش هواك يا حبيبي بدري
اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

* * *
الليالي الحلوه والشوق والمحبة
من زمان والقلب شايلهم عشانك
دوق معايا الحب دوق حبه بحبه
من حنان قلبي اللي طال شوقه لحنانك
هات عنيك تسرح في دنيتهم عنيه
هات ايديك ترتاح للمستهم ايديه
يا حبيبي تعالى وكفاية اللي فاتنا
هو اللي فاتنا يا حبيب الروح شويه
اللي شفته قبل ما تشوفك عنيه
عمر ضايع يحسبوه إزاي عليّ

انت عمري اللي ابتدي بنورك صباحه

* * *
يا أغلى من أيامي
يا أحلى من أحلامي
خدني لحنانك خدني
من الوجود وابعدني
بعيد بعيد أنا وانت
بعيد بعيد وحدينا
ع الحب تصحى أيامنا
ع الشوق تنام ليالينا
صالحت بيك ايامي
سامحت بيك الزمن
نستني بيك آلامي
ونسيت معاك الشجن

* * *
رجعوني عنيك للأيامي اللي راحوا
علموني أندم على الماضي وجراحه
اللي شفته قبل ما تشوفك عنيه
عمر ضايع يحسبوه إزاي

أرجو أن تعجبوكم......

يعطيك الف عافية أخوي على مجهودك الرائع

تحياتي

يعطيك العافية وشكرا على الاغنية يسلموووووووووو
تقبل مروري
روان بنت فلسطين

» كلمات أغنية أصالة (شموخ عزًي)
» كلمات أغنية( مليت) لعبادي الجوهر
» كلمات أغنية (أختلفنا مين)لمحمد عبدوه
» كلمات أغنية (البرواز)لمحمد عبدوه
» كلمات أغنية (تصدك ولاأحلفلك)لطلال مداح